COMPARTINDO HISTORIAS NO DÍA DO LIBRO (3 ANOS A)

HOXE CELEBRAMOS NO COLE O DÍA DO LIBRO, E FIXÉMOLO SEGUINDO A TRADICIÓN: NO NOSO CASO, OS NENOS/AS DE 3º B CONVETÍRONSE NOS NOSOS PADRIÑOS E MADRIÑAS E SAÍMOS CON ELES AO PATIO NA HORA DE LER PARA QUE NOS LERAN UNHA HISTORIA.

 FOI MARABILLOSO COMPARTIR CON ELES A MAXIA DOS CONTOS!!

COMO MOSTRA DE AGRADECEMENTO E CARIÑO, INTERCAMBIÁMONOS UNS PEQUENOS DETALLES. NÓS FIXÉMOSLLES UNS MARCAPÁXINAS AOS PADRIÑOS E MADRIÑAS E ELES AGASALLÁRONNOS UNHAS TARXETAS DEDICADAS CON FORMA DE LIBRO.

FOI UNHA EXPERIENCIA MARAVILLOSA!!

FELIZ DÍA DO LIBRO A TODOS/AS!!

OS NENOS E NENAS DE 3 ANOS FACEMOS UNHAS NOVAS AMIGAS: AS FORMIGAS!

AO LONGO DESTE 3º TRIMESTRE, EN INFANTIL IMOS A INVESTIGAR SOBRE AS CASAS DOS ANIMAIS,E Ó ALUMNADO DE 3 ANOS PARECEUNOS MOI BOA IDEA APRENDER COUSAS NOVAS SOBRE UNS INSECTOS QUE VEMOS A MIÚDO NO PARQUE, NOS XARDINS...E ESTES SON AS FORMIGAS!!

E QUE MELLOR FORMA DE APRENDER COMO VIVEN E COMO CONSTRÚEN A SÚA CASA QUE TER UNHA COLONIA DE FORMIGAS NO COLE!!

PRIMEIRO OBSERVAMOS FASCINADOS O GRAN TAMAÑO DA RAÍÑA EN COMPARACIÓN CO DAS SÚAS FILLAS AS OBREIRAS:

TAMÉN ANALIZAMOS AS CARACTERÍSTICAS DO FORMIGUEIRO ARTIFICIAL NO QUE VAN A VIVIR E PUXEMOS ACCESORIOS COMO O COMEDEIRO OU O BEBEDEIRO.

UNHA VEZ ACONDICIONADO O FORMIGUEIRO PROCEDEMOS AO PASO MÁIS DELICADO E EMOCIONANTE: MUDAR A COLONIA DE FORMIGAS DO TUBO DE ENSAIO AO SEU NOVO FOGAR!!

E DEIXAMOS AS FORMIGAS INSTALÁNDOSE E ACOMODÁNDOSE:

SABIAMOS QUE AS FORMIGAS SON MOOOOI TRABALLADORAS, PERO NUNCA IMAXINAMOS QUE DESPOIS DA FIN DE SEMANA NOS ATOPARÍAMOS CO FORMIGUEIRO TOTALMENTE CAMBIADO: TÚNELES, GALERÍAS E AREA MOVIDA POR TODAS PARTES!!! 

OLLADE O RESULTADO:

VISITAMOS A BIBLIOTECA DE CAMBADOS! (3 ANOS A)

O BO TEMPO CHEGOU POR FIN, E AÍNDA QUE NA AULA ESTAMOS MOI A GUSTO, TAMÉN NOS GUSTA MOITO SAÍR DO COLE. DESTA VEZ FOMOS VISITAR A BIBLIOTECA DE CAMBADOS.

AÍNDA QUE ALGÚNS XA A COÑECÍAN, MOITOS NENOS E NENAS NUNCA ENTRARAN NELA, E GUSTOUNOS MOITO!

NON SÓ VISITAMOS AS ESTANCIAS DO EDIFICIO, SENÓN QUE TAMÉN TIVEMOS TEMPO DE EXPLORAR OS ESTUPENDOS XARDÍNS QUE RODEAN A BIBLIOTECA, E COMO NON PODÍA SER DOUTRO XEITO, TAMÉN LEMOS UN CONTO AO AIRE LIBRE!!

ANTES DE REGRESAR AO COLE PARAMOS NO PARQUE DO TORRADO PARA MERENDAR E XOGAR UN POUQUIÑO...PASÁMOLO EN GRANDE!!

EXPERTOS EN COMPOSTAXE! (3 ANOS A)

NO COLE ESTAMOS PREPARANDO UN HORTO NO QUE PODER SEMENTAR E COIDAR AS NOSAS PLANTAS E HORTALIZAS. E COMO NON É TAREFA DOADA, A PRINCIPIOS DE SEMANA REALIZAMOS UN OBRADOIRO SOBRE COMPOSTAXE, POIS DIXÉRONOS QUE ESTA "TERRA MÁXICA", O COMPOST, É MOI IMPORTANTE PARA QUE MEDREN OS NOSOS CULTIVOS!!

APRENDEMOS A DIFERENCIAR OS RESÍDUOS QUE PODEMOS BOTAR AO COMPOSTEIRO E SEMENTAMOS UNHA FABA NUN VASO EN TERRA E CON UN POUCO COMPOST. 

ESTAMOS MOI IMPACIENTES POR VER O QUE NACE DAS NOSAS MACETAS. COIDADOS E CARIÑO DÁMOSLLE ABONDO!!

NA PEL DOS DEMAIS! (3 ANOS A)

QUEREMOS MOSTRARVOS A EXPERIENCIA TAN ENRIQUECEDORA QUE VIVIMOS AO LONGO DESTA SEMANA.

TIVEMOS A SORTE DE CONTAR CON UNHA SERIE DE MATERIAIS QUE NOS PERMITIRON POÑERNOS NA PEL E ENTENDER UN POUCO MELLOR AS CARACTERÍSTICAS DE PERSOAS CON DISCAPACIDADE VISUAL E CON DISCAPACIDADE MOTRIZ.

A ONCE PROPORCIONOUNOS UN LOTE DE MATERIAL EDUCATIVO CO QUE AS PERSOAS CON DISCAPACIDADE VISUAL PODEN APRENDER, POR EXEMPLO, A LER OU A CONTAR, E OUTROS OBXECTOS QUE LLES PERMITEN XOGAR E DESENVOLVERSE AUTONOMAMENTE.

PELOTA CON CASCABEIS

BONECO "BRAILLIN"

MAPA COS PAISES EN RELEVO

PARCHÍS

PUZZLE 

GAFAS DE SIMULACIÓN

BASTÓN

CONTOS EN BRAILLE  E IMAXES CON TEXTURAS E RELEVOS

POR OUTRO LADO, TAMÉN PUIDEMOS CONCIENCIARNOS DA NECESIDADE DE CREAR LUGARES ACCESIBLES A TÓDALAS PERSOAS AO PODER COMPROBAR AS LIMITACIÓNS DO NOSO CENTRO PARA PODER MOVERSE NEL EN CADEIRA DE RODAS.

CONTAMOS CON UNHAS CADEIRAS DE RODAS COAS QUE NENOS E NENAS CON DISCAPACIDADE MOTRIZ XOGAN A BALONCESTO E PROBAMOS A DESPRAZARNOS NELAS.

ASÍ VIVIMOS ESTA EXPERIENCIA: